Një burrë nga Gjeorgjia u arrestua në kufirin bullgar, si I dyshuar në lidhje me vrasjen e 20 vjecares britanike në shtëpinë e saj në Greqi. Lidhja u bë pasi burri është I dyshuar edhe për grabitjen e një tjetër shtëpie afër asaj ku ndodhi vrasja e Caroline Crouch. Sipas policisë, nga analiza e ADN-së doli se gjeorgjani ishte I përfshirë në grabitjen e një cifti të moshuar më 7 mars. I dyshuari u arrestua teksa përpiqej të kalontë me makinë nga Greqia në Bullgari, me një pasaportë false. Më parë, policia e kishte ngushtuar listën e të dyshuarve në 30 veta. Grabitësit e vranë 20 vjecaren në sytë e fëmijës 11-muajshe, pasi kishin lidhur më parë bashkëshortin e saj. Ky I fundit tha se ka arritur të shohë fytyrën e vrasësit, kur u përlesh me të dhe I hoqi kapucin për një moment. Policia do t’I tregojë bashkëshortit fotot e 30 të dyshuarve, me shpresën se do të kenë një konfirmim. Ai e përshkroi vrasësin si të gjatë, esmer, të shëndoshë dhe nën 30 vjec. Policia mendon se autori e vrau 20 vjecaren pikërisht sepse e pa në fytyrë. Një nga pistat ku policia greke u përqendrua më herët, në hetimet e saj për zbardhjen e kësaj vrasjeje, ishte edhe ajo e një bande shqiptare në rast.