Gjykata e Korçës e ka lënë në qeli duke I dhënë masën e sigurisë 'arrest në burg' Anterio Kaloshit, i arrestuar si ekzekutori i ngjarjes së rëndë në Pogradec ku u qëllua me breshëri plumbash në drejtim të një hotelit Voloreka. Anterio Kaloshi, akuzohet se ishte ai personi që në mbrëmjen e 8 gushtit, qëlloi me 100 plumba në drejtim të dhomës së djalit pronarit, Jetmir Muçollari. Skena është filmuar nga kamerat e sigurisë dhe ky ishte atentati i dytë brenda 7 ditësh I bëhej pronarit të hotelit në Tushemisht në Pogradecit me qëllim që ta detyronin që të mos dëshmonte në një proces gjyqësor. Për këtë sulm me armë në hotelin që ishte I mbushur me turistë janë arrestuar gjithsesj 7 persona dhe një është në kërkim nga policia. Si organizatorë akuzohen dy vëllezërit Ilir e Meardi Berberi, të dy të vënë tashmë nën pranga.