Policia kufitare në Korcë e Pogradec ka goditur dy raste të tjera të transportit të palishshëm të emigrantëve ilegalë. Gjatë dy askioneve të ndërmarra u ndaluan 10 emigrantë të paligjshëm si dhe u vunë në pranga 3 shtetas që kryenin transportin e tyre kundrejt shpërblimit. Aksionet e policisë së kufirit u zhvilluan në kuadër të operacionit "Perimetri" që vijon prej muajsh. Aksioni i parë u ndërmorr në vendin e quajtur kryqëzimi i Libonikut ne Maliq. Patrulla policore i ka bërë shenjë të ndalonte, por 29 vjecari me inicialet A.K nga Divjaka nuk i është bindur urdhrit të tyre për të ndaluar. Policia është vënë në djekje të tij dhe me pas u bë i mundur ndalimi i tij. Gjatë kontrollit që forcat e policisë ushtruan në mjetin e 29-vjeçarit, gjetën tre emigrantë të paligjshëm, të cilëve kundrejt fitimit, ky shtetas iu kishte premtuar kalimin drejt vendeve të BE-së. Në aksionin e dytë në lagjen 2 në Pogradec një 24 vjecre nga durresi dhe nje shtetas tjeter nga tirana që udhëtonin me një furgon nuk kanë ndaluar kur patrulla policore u ka bwrw shenje që të ndalonte. Forcat e Policisë janë vënë në ndjekje të mjetit dhe kanë bërë të mundur ndalimin e saj në afërsi të fshatit Memlisht, ku gjetën shtatë emigrantë të paligjshëm, të cilëve kundrejt fitimit, në bashkëpunim me shtetasin Dh. B., iu kishte premtuar kalimin drejt vendeve të BE-së. Materialet në ngarkim të tyre i kaluan Prokurorive të Korçës e Pogradecit për veprat penale "Ndihma për kalim të paligjshëm të kufijve, kryer në bashkëpunim" dhe "Mosbindja ndaj urdhrit të punonjësit të policisë së rendit publik".