Skeleti i një allosauri, që kërkonte pretë e tij përreth Wyoming-ut më shumë se 150 milionë vite më parë, mund të shitet për mbi 1.2 milionë euro në një ankand. Fosilja e rrallë, e ekspozuar në shtëpinë e ankandeve Hotel Drouot në paris, do të dalë nën cekic të martën. Ajo u zbulua në kontenë Johnson në Uajoming, që është një nga shtatë shtetet amerikane ku mishngrënësit e mëdhenj kanë jetuar në periudhën e vonë të xhurasikut, mes 145 dhe 161 milionë vitesh më parë. Skeleti që do të dalë në shitje, vlerësohet se është mbi 150 milionë vjecar, 3.5 metra i lartë dhe 10 metra i gjatë. Ai pritet të shitet nga 1 deri në 1.2 milionë euro. Allosauri, është një nga dinozaurët më të hershëm të zbuluar dhe konsiderohet se është Gjyshi i Tiranozaurit reks nga paleontologët. Allosaurët janë shfaqur shpesh edhe në libra dhe filma, përfshirë novelën The Lost Ëorld të Arthur Conan Doyle të 1912. Më së fundmi ai u shfaq edhe në Jurassic Ëorld: Mbretëria e rënë, në 2018.