Ka nisur hetimi për 15 qytetarë, të cilët një ditë më parë protestuan para Kryeministrisë kundër vendimit për përdorimin me detyrim të maskave. Protestuesit e mbledhur pasditen e se enjtes, u ndane pas nderhyrjes te forcave te policise, madje shume prej tyre qe nuk kane pranuar të largohen janë shoqëruar në Komisariat menjehere pas shperndarjes te turmes te mbledhur para kryeministrise. Po ashtu sipas policisë, në zbatim të aktit normativ, ndaj ketyre personave eshte marre edhe masa administrative me gjobe. “Nga specialistët për Hetimin e Krimit në Komisariatin e Policisë Nr.2, filloi procedimi penal ndaj 15 shtetasve, pasi ditën e djeshme në bulevardin “Dëshmorët e Kombit”, kanë organizuar dhe protestuar në kundërshtim me masat anti-covid. Gjithashtu në zbatim të Aktit Normativ, shërbimet e Policisë kanë proceduar me masat administrative përkatëse gjobë për 15 shtetasit”, thuhet në njoftimin e policisë.