Gjermania do të zgjasë izolimin e pjesshëm në të gjithë vendin deri më 18 prill. Pas bisedimeve disa orëshe, kancelarja Angela Merkel dhe udhëheqësit e landeve gjithashtu ranë dakord për një bllokim pesë-ditor gjatë festës së Pashkëve. Pothuajse të gjitha dyqanet do të mbyllen nga data 1 deri më 5 prill. Vetëm supermarketet do të lejohen të hapen më 3 prill. "Tani jemi në një situatë shumë serioze", tha Merkel në një konferencë për shtyp, duke e përshkruar variantin më vdekjeprurës dhe infektiv të koronavirusit - të identifikuar për herë të parë në Britani të Madhe - si një "pandemi e re". Në thelb ne kemi një pandemi të re. Mutacioni nga britania e madhe është bërë dominues cka do të thotë se ne kemi një virus të ri. Sigurisht i të njëjtit lloj por me cilësi të ndryshme. Është qartësisht më vdekjeprurës dhe më infektues Kryeministri i Bavarisë, Markus Soeder, ka qenë një mbrojtës i vendosjes së masave të izolimit. Ai tha se Gjermania mbase po kalonte periudhën më të rrezikshme të pandemisë. Sipas tij, varianti i ri nuk ishte vetëm më infektues dhe vdekjeprurës, por ndikon më shumë sesa vetëm të moshuarit. Vendimi për të zgjatur kufizimet erdhi pasi numri i të infektuarve për 100.000 banorë u rrit në mbi 100 gjatë javës së kaluar. Zakonisht një rritje e tillë detyron qeveritë të ndërmarrin masa më të ashpra të izolimit.