Gjermania do të negociojë me Rusinë për të marrë vaksinën e saj kundër koronavirusit Sputnik V. "Vaksinat nuk kanë ideologji ", deklaroi kryeministri i Bavarisë Söder, përpara se rrëfente marrëveshjen paraprake për vaksinën ruse. Tani nisma e tij lidhur me Sputnik V po përkrahet në mbarë federatën. Madje edhe ministri gjerman i Shëndetësisë Jens Spahn pohoi se po bisedohet me Moskën për furnizimin me vaksinën ruse, edhe pse tërhoqi vëmendjen, që të mos nxitet një debat me përfytyrime të gabuara, sic tha ai vetë për median publike ËDR. Porositja e vaksinës Sputnik V duhet të kapërcejë disa pengesa. Spahn theksoi, se fillimisht duhet pritur licencimi i kësaj vaksine nga BE-ja. "Për këtë Rusia duhet të furnizojë". Për aq kohë sa nuk ka furnizim, nuk mund të ketë as licencim. Çështja tjetër është porosia, tha Spahn. Komisioni i BE-së ka deklaruar, se ndryshe nga sa është vepruar me prodhuesit e tjerë si BioNTech, Moderna dhe AstraZeneca - me Sputnik V nuk do të ketë marrëveshje.Po ashtu duhet të sqarohet, se kur dhe çfarë sasie mund të furnizohet. Për të bërë ndryshimin nga gjendja aktuale do të duhet që furnizimet të vijnë në dy deri në katër në muajt e ardhshëm – sepse në fakt për afat më të gjatë ne gjithsesi do kemi mjaftueshëm vaksina," sqaroi ministri. I ngarkuari i Komisionit të BE-së për vaksinat megjithatë është skeptik. Thierry Breton thotë se nuk ka arsye të dyshojë në efikasitetin, sigurinë dhe cilësinë e vaksinave, që vijnë jashtë BE-së, por këmbënmgul kompetencën për ta vlerësuar këtë e ka Autoriteti Europian i Barnave EMA.