Në vitin e dytë të pandemisë pronarët e hoteleve të vegjël shpresojnë se do të kenë më tepër vizitorë. Greqia shpreson shumë këtë verë tek turistët nga Ballkani. Plazhet e vendit shihen ende të zbrazur, por përgatitjet për sezonin veror po bëhen me intensitet të plotë. Në vitin e dytë të pandemisë, pronarët e hoteleve shpresojnë se do të ketë më shumë vizitorë. Vera e kaluar e zhyti industrinë greke të turizmit në një krizë të thellë. Por këtë vit pronarët e hoteleve janë optimistë. Për shkak të rregullave anti covid, pronarëve të hoteleve u duhet më shumë kohë për të pastruar dhe dezinfektuar dhomat se sa para pandemisë. Por që sezoni t'ia vlejë, duhet që hotelet e vegjël t'i kenë të gjitha dhomat të rezervuara për të gjithë kohën. Pronarët e hoteleve thonë se duhet të kujdesen për ekuilibrin e bizneseve. SHumë nga vizitorët e tyre vijnë nga vendet fqinje të ballkanit dhe ata shpresojnë që testet dhe vaksinimet e detyrueshme do të sjellin siguri. Ndërkohë, vendi ka një pafundësi plazhesh që ofrojnë hapësira të mjaftueshme për të gjithë, për tu clodhur ose për të qenë aktiv. Baret po ashtu janë përgatitur, me mjediset e tyre të hapra që garantojnë distancën e duhur. Rregulloret higjeno-shëndetësore dhe biznesi duhet të bashkëjetojnë krah për krah në kohë pandemie. Vizitorët duhet të ndihen të sigurt, pavarësisht virusit. Qoftë në barin e plazhit, qoftë duke shijuar perëndimin e diellit nga ballkonet e hotelit.