Një 36 vjeçar ka rënë në prangat e policisë pasi posedonte sasi lëndësh narkotike. Operacioni policor i koduar ‘Game Over’ u finalizua pas disa muajsh hetime, pas të cilave u arrestua në flagrancë, Elton Çelo. Policia realizoi një kontroll në banesën Çelos, ku përveç lëndës narkotike kokainë atij ju sekuestrua edhe një shumë parash e përfituar nga veprimtaria kriminale. Gjatë periudhës hetimore, e cila ka filluar në muajin dhjetor të vitit 2021, janë arrestuar edhe 5 shtetas të tjerë që dyshohet se bashkëpunonin me 36 vjeçari ndërsa dy persona të tjerë ndiqen në gjendje të lirë si shpërndarës të lëndëve narkotike.