Rusia lëshoi të mërkurën me sukses një anije kozmike të komanduar me furnizime për stacionin hapësinor ndërkombëtar, nga kozmodromi i Bajkonurit në Kazakistan. Raketa Soyuz që mbante anijen Progres, u lancua në orën 2.27 minuta nga stepat e kazakistanit dhe gjithcka shkoi shumë mirë – tha agjencia hapësinore ruse Roscosmos, në një deklaratë. Ankorimi i saj në stacionin hapësinor do të ndodhë të premten dhe do të jetë automatik. Progress MS-17 mban më shumë se 470 kg karburant, 420 litra ujë dhe furnizime të tjera. Programi hapësinor rus është i famshëm se ka dërguar të parin njeri në hapësirë në 1961 dhe ka lëshuar satelitin e parë në hapësirë, Sputnik 1, katër vite më herët, dhe arritjet e tij mbeten një burim i rëndësishëm krenarie kombëtare. Por, gjatë dekadës së fundit vendi është përballur me një seri problemesh, duke humbur satelitë të kushtueshëm si edhe anije furnizimi Progress.