Ambasada ruse në Sarajevë ka paralajmëruar të mërkurën se qëndrimi i Perëndimit mund të shkaktojë “destabilizim” në Bosnje e Hercegovinë. Reagimi i Moskës pasqyron tensionet në rajonin e paqëndrueshëm të Ballkanit, i ndarë tradicionalisht midis Lindjes dhe Perëndimit, dhe ku Rusia kërkon të zgjerojë ndikimin e saj. Frika se këto tensione do të përshkallëzoheshin janë rritur që kur Kremlini pushtoi Ukrainën në fund të shkurtit, duke bërë që NATO dhe BE të shtojnë numrin e trupave paqerujtëse në Bosnjë. I dërguari më i lartë ndërkombëtar në Bosnje, Christian Schmidt, i cili mbështetet nga Perëndimi, por nuk njihet nga Moska, pezulloi të martën ligjin e diskutueshëm, që shihet si përpjekje e autoriteteve të entitetit të Republikës Sërpska për të transferuar pronën shtetërore në territorin e tyre.