Administratori I firmës Neku shpk dhe 3 aksionerë të saj janë marrë të pandehur dhe janë çuar për gjykim nga Prokuroria e Tiranës. Konkretisht bëhet fjalë për Alfred Kurtin, Rrahim Dedjan, Adnan Halilin dhe Rrahim Laçin të cilët akuzohen se kanë kryer evazion fiskal. Gjatë hetimeve u konfirmua se kompania në fjalë nuk ka kryer deklarimet dhe ka shmangur detyrimet ndaj organeve tatimore. Bëhet fjalë për kalim të kuotave kapitale me një vlerë prej mbi 260 mln lekë të rinj. Kompania në fjalë merret me tregtimin e mineraleve metalike dhe metaleve dhe që ushtron aktivitetin e saj në Rruga Pazari, Terminali Bulqizë, i ka fshehur shtetit më shumë se 100 milionë lekë taksat, që duhet t’i paguhen shtetit në detyrime të drejtëpërdrejta ose të tërthorta.