Ish-kolegët e gazetarit të arrestuar në Bjellorusi Roman Protasevich kanë thënë se shqetësohen për jetën e tij, pasi një fluturim i kompanisë Ryanair është detyruar të devijojë rrugën të dielën. Protasevich, 26-vjeçar dhe e dashura e tij Sofia Sapega, 23-vjeçare, janë duke u mbajtur nga autoritetet bjelloruse. “Roman është më në rrezik sesa secili i burgosur tjetër politik në Bjellorusi”, ka thënë Stephan Putsila për BBC-në. Protasevich ka thënë se frikësohet për dënim me vdekje pasi është futur në listën për terrorizëm. Ai përballet me akuza të lidhura për raportimin e tij rreth zgjedhjeve të diskutueshme në Bjellorusi në gusht të vitit të kaluar, dhe për shtypjen e protestave masive opozitare atje. Gazetari Raman Pratasevich u largua nga Bjellorusia në 2019 për t'i shpëtuar presionit nga autoritetet. Bjellorusia është i vetmi vend në Evropë që ende ekzeukuton të burgosurit. Protasevich dhe Sapega janë ndaluar të dielën, pasi Bjellorusia ka angazhuar një aeroplan ushtarak që të detyrojë aeroplanin që fluturonte nga Athina në Vilnius, që të ulej në Minsk, kryeqytetin bjellorus. Shtetet perëndimore akuzojnë Bjellorusinë për rrëmbim të aeroplanit që është detyruar të ulet në këtë shtet pas supozimeve për kërcënim me bombë. Putsila, i cili bashkë me Protasevich ka bashkëthelemuar kanalin Nexta në Telegram, ka thënë se Qeveria bjelloruse, nën drejtimin e Lukashenkas, “frikësohet nga ne sepse e tregojmë të vërtetën”. Nexta ka më shumë se 1 milion ndjekës dhe është shfrytëzuar për mobilizim të protestave në rrugë vitin e kaluar. Komentet e tij kanë ardhur pasi familjet e Protasevich dhe Sapegas, të cilat janë deklaruar publikisht pas ndalimit, kanë folur edhe për shqetësimet e tyre për siguri.