Top News- Frika pas agresionit rus në Ukrainë/ Meta takim urgjent me shefin e Shtabit të ushtrisë

Rritja e tensioneve mes Rusisë dhe Ukrainës ka sjellë reagime nga të gjitha vendet anëtare të NATO. Presidenti i Shqipërisë Ilir Meta, nisur nga rritja e agresionit rus mbi Ukrainën, ka thirrur në një takim Shefin e Shtabit të Përgjithshëm të Forcave të Armatosura të Shqipërisë, Gjeneralmajor Bajram Begajn. Lajmi është bërë publik nga vetë presidenti Meta, i cili njëherësh është edhe Komandanti i Përgjithshëm i Forcave të Armatosura. Sipas kreut të shtetit agresioni rus i cili është në shkelje të së drejtës ndërkombëtare mund të ketë implikime për të gjithë europën dhe rajonin.