Raporti i vjeshtës i Fondit Monetar Ndërkombëtar mbi ecurinë e ekonomisë globale tregon një rritje të ekonomisë shqiptare me 1.4 pikë përqindje në krahasim me parashikimin e raportit pranveror. FMN ka rishikuar të dhënat dhe parashikon që ekonomia shqiptare të zgjerohet me 3.6 për qind këtë vit. Ndërkohë që në raportin e muajit prill, rritja ekonomike për vitin 2023 vlerësohej se do të ishte 2.2 për qind, për t’u përshpejtuar në 3.3 për qind në 2024 dhe për të mbetur rreth këtyre niveleve deri në vitin 2028.