Përkeqësimi i situatës së krijuar nga pandemia me rritje të numrit të të infektuarve ka rritur ndjeshëm presionin e rreziqet për ekonominë e vendit. Në raportin e fundit, Fondi Monetar Ndërkombëtar ka mbajtur të pandryshuar vlerësim për rënie ekonomike këtë vit në -7.5%., por shton se situata mund të përkeqësohet më tej, çka do ta vinte ekonominë në vështirësi të mëdha si pasojë e goditjës së turizmit dhe uljes së dërgesave nga emigrantët. Sipas institucionit financiar ndërkombëtar, borxhi publik evidentohet një nga rreziqet kryesore të ekonomisë së goditur rëndë nga tërmeti dhe pandemia Covid-19. Ekspertët e FMN i bwjnw apel qeverisë qw tw marrw masa në menaxhimin financave publike, kontroll të shtuar dhe transparencë për fondet e rindërtimit si dhe në mbledhjen e të ardhurave tatimore. Teksa është ndalur të huaja prej 190.5 milionë dollarë e marrë për përballimin e pasojave të koronavirusit që qeveria duhet t'i shlyejë FMN, kjo e fundit ka deklaruar se vendi ka kapacietet për të paguar borxhin, por vështirësitë jane të mëdha në kushtet kur ekonomia është në presionin e pandemisë.