Bordi i çmimeve ka ndërhyrë sërish te çmimet e shitjes së karburanteve. Nafta e benzina janë ulur edhe këtë herë lehtë, ndërsa gazi vijon të shtrenjtohet. Sipas çmimeve të reja të vendosura nga bordi, nafta nuk do të shitet më shumë se 190 lek për litër, nga 192 lek që ishte çmimi i vendosur një ditë më parë. Po me 2 lek është ulur edhe çmimi i benzinës, që është caktuar 185 lek, nga 187 që u vendos të premten.