Luftëtarë të entuziazmuar talebanë janë fotografuar duke pozuar mbi avionë luftarakë amerikanë të braktisur, ndërsa imazhe nga sateliti tregojnë thesaret e lëna pas nga shba në Kabul, që tani janë të gjitha në duart e talebanëve. Xhihadistët shiheshin të ulur në kabinën e abionëve luftarakë, mbi pirgje me armë amerikane dhe ndërsa patrullonin me makinat e blinduara Humvee që amerikanët lanë pas ndërsa bënin xhirot e fitores në aeroportin e kabulit, pak orë pasi trupat e Joe Biden u larguan nga Afganistani. Forcat speciale talebane, Badri 313, u fotografuan madje ndërsa trajnoheshin në pistën e aeroportit të Kabulit ndërsa të tjerë xhihadistë rrëmonin në hangarët e mbushur me pajisje të lëna kuturi dhe helikopterë të braktisur. Në një foto, një luftëtar shihet teksa fotografon helikopterët e dëmtuar Chinook të lënë pas ndërsa të tjerë eksplorojnë avionët ushtarakë të forcave ajrore amerikane. “Urime Afganistan...kjo është fitorja e të gjithëve ne”, tha zëdhënësi i talebanëve të martën.