Familjarët e Elisabeta Lamaj, vajzës 31 vjeçare, e cila humbi jetën gjatë lindjes me operacion cezarian në martenitetin e Fierit, kanë protestuar përpara prokurorisë së Fierit duke kërkuar drejtësi. Familjarët bëjnë përgjegjës për humbjen e jetës së 31 vjeçares, pakujdesinë e mjekëve. Nuk besojmë se ka ndodhur arrest kardiakt. Pse nuk ishte kardiologu gjatë operacinit? Pse nuk u bë konsulta para operacionit? …. Edhe pse ka kaluar një muaj nga ngjarja e rëndë, familjarët janë të shqetësuar për faktin se nuk kanë ende një përgjigje zyrtare nga prokuroria e Fierit. S’kemi marrë asnjë përgjigje nga prokuroria, mjeku vazhdon të punojë në spitalin e Fierit. Do vijmë përditë derisa të kemi një përgjigje. Ngjarja e rëndë ka ndodhur një muaj më parë kur pas kryerjes së anestezisë lokale, 31 vjeçarja ka humbur jetën. Mjekët kanë përcaktuar infarktin akut të miokardit si shkak të vdekjes së saj. Fatmirësisht foshnja që ajo solli në jetë gëzon shëndet të plotë, ndërsa nuk dihen ende shkaqet zyrtare të vdekjes së të resë, nënë edhe e një fëmijë tjetër 5 vjeçar.