Delegacionet kanë mbërritur në konsullatën e Iranit në Stamboll të premten në mëngjes për bisedime ballë për ballë midis Iranit dhe të ashtuquajturit grup E3 i përbërë nga Franca, Britania dhe Gjermania, tha një dëshmitar për agjencinë e lajmeve Reuters.Diplomatë të lartë nga grupi E3 do të zhvillojnë bisedime me ekipin negociator të Iranit për herë të parë që nga sulmet e SHBA-së dhe Izraelit në vendet bërthamore iraniane në qershor, dhe në fokus të këtyre bisedimeve do të jetë vlerësimi i oreksit të Teheranit për një kompromis për të shmangur sanksionet.Përpara bisedimeve, Ministri i Jashtëm i Iranit, Abbas Araqchi, tha se qëndrimi i Teheranit mbetet "i fortë dhe i palëkundur"."Pasurimi i uraniumit nga ana jonëdo të vazhdojë; ne nuk do të heqim dorë nga kjo e drejtë e popullit iranian", tha Araqchi në një video të transmetuar nga media shtetërore, duke shtuar se bisedimet e së premtes janë "një vazhdim i diskutimeve të mëparshme dhe bota duhet të kuptojë se qëndrimi i Iranit është i qartë dhe i pandryshuar".