Monedha e përbashkët europiane preku minimumin historik të këmbimit me monedhën vendase. Këtë të martë një euro u këmbye me 107.4 lekë. Gjatë muajve të fundit, euro ka humbur 3.5 për qind të vlerës kunddrejt lekut dhe shkak për këtë janë bërë një sërë faktorësh duke filluar nga investimet e të huajve në pronat e paluajtshme në Shqipëri e deri tek operacionet e këmbimit në vlera të mëdha. Të dhënat e Bankës së Shqipërisë tregojnë se blerjet e pronave nga shtetasit e huaj vitin e kaluar arritën nivelin më të lartë historik, duke prekur vlerën e 291 milionë eurove, me një rritje vjetore prej 52 për qind. Blerjet e pronave nga shtetas së huaj rrisin oferët e monedhës europiane në vend, çka ndikon në zhvlerësimin e saj.