Mëngjesin e kesaj te merkure, forcat të shumta policore nga EULEX kanë rrethuar shtëpinë e kryetarit të Parlamentit të Kosovës Jakup Krasniqi. Nga Gjykata Speciale eshte bere e ditur se Zyra e Prokurorit të Specializuar është duke kryer një operacion në Prishtinë. Nga Dhomat e Specializuara thuhet se operacionet po kryhen me mbështetjen e Policisë së Kosovës dhe Misionit të BE-së për Sundimin e Ligjit në Kosovës (EULEX), raportohet nga kosova press. Ndërkohë në një reagim, nipi i Jakup Krasniqit thotë se askush nga familjarët nuk është lejuar të afrohet tek shtëpia, ku edhe po qëndrojnë forca të shumta policore nga njësia e EULEX-it. “Ajo çka ne e dime, thote per mediat kosovare nipi I Krasniqit, është që prej orës 5-6 të mëngjesit kanë ardhur këtu me gjithë këtë numër të madh të veturave dhe numër të madh të policëve. Ajo që po na shqetëson është se nuk po na lënë të afrohemi për të parë se nëse ka nevojë për diçka. E vërteta është se kanë ardhur, nuk kemi pasur njoftim. Edhe ne jemi spektatorë sikur ju”, ka deklaruar nipi I Jakup Krasniqit.