Presidentja e Kosovës, Vjosa Osmani, tha të mërkurën se Kosova ka qenë, dhe është palë konstruktive në dialogun me Serbinë, dhe ka gatishmëri që të rrisë angazhimin, me qëllim të intensifikimit të procesit. Ndërsa kryeministri i Kosovës, Albin Kurti, nënvizon se Kosova është e gatshme për arritjen e një marrëveshjeje me Serbinë, me njohjen reciproke në qendër. Deklaratat u bënë pas takimeve që ata zhvilluan ndarasi në Prishtinë me të dërguarin e Shteteve të Bashkuara për Ballkanin Perëndimor, Gabriel Escobar.