Policia kufitare në Rinas gjatë 24 orëve të fundit ka goditur katër raste të paligjshmërisë. Një 33 vjecar është vënë në pranga pasi u kap me dokumente të falsfikuara. Ky i fundit akuzohet për veprën penale ”Falsifikimi i letërnjoftimeve, i pasaportave ose i vizave”. Një shtetas afrikan i cili vinte nga dubai u ndalua në Rinas pasi u kap në doganë me 62 mijë euro të padeklarua. Policia bën me dije se ky I fundit, emri i të cilit nuk është bërë me dije, u procedua penalisht për veprën penale “Mosdeklarimi i të hollave dhe sendeve me vlerë në kufi”. Gjithashtu, si rezultat i kontrolleve për rritjen e sigurisë së udhëtarëve, i është gjetur dhe sekuestruar një pistoletë lodër një shtetasi egjiptian, i cili ishte me urdhër dëbimi nga Shqipëria, lëshuar nga Drejtoria Vendore për Kufirin dhe Migracionin Korçë. Një 37 vjecareu procedua penalisht pasi dyshohet se ajo ka braktisur djalin e saj të mitur 16 vjeç, në Gjermani. Materialet hetimore i kaluan Prokurorisë, për veprime të mëtejshme. Ndërkohë, vijojnë kontrollet nga ana e policisë për parandalimin, evidentimin dhe goditjen e paligjshmërisë dhe rritjen e parametrave të sigurisë së udhëtarëve.