Nuredin Dumani dhe Henrik Hoxha të cilët u arrestuan rreth një muaj më parë nga policia, kanë bashkëpunuar me drejtësinë shqiptare, duke zbardhur disa nga vrasjet më të bujshme në vendin tonë. Pas disa muajsh hetimesh intensive, Prokuroria e Posacme kundër Korrupsionit dhe krimit të organizuar, ka lëshuar 32 urdhër arreste, pas dëshmive të Dumanit dhe Hoxhës. Në mesin e këtyre vrasjeve, janë zbardhur detaje edhe nga ekzekutimi i Bujar Celës, vëllait të Talo Celës, një nga 5 personat më të shumëkërkuar në Shqipëri. Burime zyrtare për Top Channel, bënë me dije se Bujari është ekzekutuar nga Besjan Xhixha dhe një tjetër person po ashtu i shpallur në kërkim.