Shqipëria dhe Shtetet e Bashkuara të Amerikës firmosën këtë të martë një marrëveshje, e cila zëvendëdon traktatin e vitit 1933 dhe që ka të bëjë me ekstradimet. Marrëveshja u firmos nga Yuri Kim dhe ministrja e Drejtësisë Etilda Gjonaj plot 87 vjet pas traktatit të asaj kohe. Në fjalën e saj, ambasadorja e SHBA u shpreh se ky traktak i jep fund pandëshkueshmërisë së kriminelëve. “Marrëveshja zëvendëson traktatin e 1993. Ky traktat siguron një tjetër armë të fuqishmë për t’i dhënë fund pandëshkueshmërisë së kriminelëve. Nuk do të ketë asnjë strehë të sigurtë për asnjë kriminel. SHBA ka luajtur një rol kritik në mbështetjen e Shqipërisë. Efikasiteti i Shqipërisë në luftën ndaj krimit ndërkombëtar është tregues për integrimin në BE. Po ndihmojmë në krijimin e Byrosë Kombëtare. SPAK dhe BKH janë prioritet për ambasadën e SHBA. Suksesi i SPAK është ajo që qytetarët shqiptarë duan, kanë nevojë dhe meritojnë. Marrëveshja e sotme është historike. Kjo marrëveshje besoj se do hyjë në fuqi pa vonesë. Parneriteti ynë është jetëgjatë, këmi shumë punë për të bërë”. Me marrëveshjen e re do të realizohet zgjerimi dhe përditësimi i kategorive të veprave penale për të cilat mund të kërkohet ekstradimi nga palët, mbi bazën e parimit të kriminalitetit të dyfishtë, duke përfshirë tashmë edhe veprat penale më të reja si ato me karakter financiar, tatimor dhe doganor, korrupsionin, veprat mjedisore, veprat në fushën informatike e çdo vepër që dënohet me heqje të lirisë për një periudhë maksimale prej më shumë se një viti ose për një dënim më të rëndë. Marrëveshja shërben si një sinjal i qartë dhe i vendosur ndaj të gjithë shkelësve të ligjit, se askush nuk do të gjejë asnjë strehë për t’iu shmangur zbatimit të ligjit penal në SHBA apo në Shqipëri. Ekstradimi është për vepra penale me mbi 1 vit burg dënim.