Tatimet kanë nisur të aplikojnë gjobat për bizneset eksportuese, që nuk po paguajnë tatimfitimin e parapaguar, edhe pse në 12 maj të këtij viti, Ministria e Financave vendosi ngurtësimin e kësteve të pagesave të tatimfitimit për të rritur likuiditetin te këto biznese, që janë duke vuajtur nga rënia e Euros. Shoqata e bizneseve eksportuese thotë se po merr raportime të shumta ku tatimet ka filluar të aplikojnë gjoba për bizneset që nuk po paguajnë Tatim Fitimin e parapaguar. Shoqatat e eksportuesve kanë ngritur disa herë shqetësimin në takimet e zhvilluara me Ministrinë e Financave dhe Bankën e Shqipërisë për thellimin e humbjeve në aktivitetet e tyre nga rënia e fortë e euros. Në ndihmë të tyre, qeveria miratoi Aktin Normativ për ngurtësimin e pagesave paraprake të tatim fitimit deri në muajin dhjetor 2023 dhe nëpërmjet një urdhri të MFE u vendos përshpejtimi në kohë i procedurave të rimbursimit të TVSH-së.