Mijëra shkencëtarë dhe ekspertë të shëndetit I janë bashkuar lëvizjes globale kundër amsave anti-covid, duke paralajmëruar probleme të mëdha nga politikat e ndjekura për frenimin e pandemisë. Gati 6,000 ekspertë, përfshirë dhjetëra të tillë nga Mbretëria e Bashkuar, thonë se kjo qasje po dëhsmohet të ketë një ndikim shkatërrues mbi shëndetin fizik e atë mendor të individit, si edhe mbi shoqërinë. Ata bëjnë thirrje që përpjekjet për t`u mbrojtur nga pandemia të fokusohen tek personat më të cënueshëm prej saj, ndërsa thonë se njerëzit e shëndetshëm, duhet të vazhdojnë jetën si normalisht. Deklaratat e tyre kanë nxitur paralajmërime nga të tjerët në komunitetin shkencor. Kritikët theksojnë se një qasje më e shënjestruar mund ta bëjë më të vështirë mbrojtjen e plotë të njerëzve në nevojë. Ata nënvizojnë gjithashtu rrezikun e komplikacioneve afatgjata nga koronavirusi, e kjo do të thotë sipas tyre se shumë njerëz të tjerë janë po ashtu të rrezikuar. Lëvizja e ekspertëve nisi në SHBA dhe tani është shtrirë në të gjithë botën, duke tërhequr edhe 50.000 njerëz të thjeshtë.