“Dritë në fund të tunelit”. Kështu e parashikon Instituti për Studime Ekonomike Ndërkombëtare i Vienës, ecurinë ekonomike të vendeve të Ballkanit Perëndimor, ku për Shqipërinë pritshmëritë janë që këtë vit rritja ekonomike të jetë 3 për qind. Parashikimet për dy vitet e ardhshme janë më optimiste, në vitin 2024 parashikohet rritje me 3.6 për qind dhe në vitin 2025, 3.8 për qind. Papunësia gjithashtu parashikohet të ulet gjatë viteve të ardhshme për të arritur në nivelin e 9.5 për qind në 2025.