Këshilli Mbikëqyrës i Bankës së Shqipërisë miratoi Raportin e Politikës Monetare duke mbajtur të pa ndryshuar normën bzë të interesit . Sipas bsh në këtë raport konstatohet se ndikimi i pandemisë në ekonomi ka qenë i plotë dhe serioz në tremujorin e dytë, por ka ardhur drejt reduktimit në muajt në vazhdim. “Stimuli i njëkohshëm fiskal, monetar dhe financiar, ka rezultuar efektiv në shmangien e pasojave më negative të goditjes. Lehtësimi i masave të distancimit social, stabiliteti i tregjeve financiare, si dhe shëndeti i bilancit tësektorit bankar, përbëjnë premisa për një rikuperim gradual të aktivitetit ekonomik në të ardhmen”, tha Guvernatori . Duke iu referuar të dhenave të INSTAT, BSh konfirmoi se aktiviteti ekonomik në vend shënoi njërënie vjetore prej 10.2% në tremujorin e dytë. “Kjo rënie pasqyroi kontributin negativ të pothuajse të gjithë sektorëve të ekonomisë dhe komponentëve të kërkesës agregate. Paralelisht me të, punësimi shënoi një rënie vjetore prej 3.6%, ndërkohë që norma e papunësisë u rrit në 11.9%.Të dhënat e tremujorit të tretë mbeten ende paraprake. Megjithatë, ecuria më e mirë e të ardhurave tatimore dhe eksporteve, si dhe përmirësimi i besimit të biznesit dhe konsumatorit,sugjerojnë se rënia ekonomike ka vijuar, por me ritme më të ngadalta se në tremujorin e dytë” tha Sejko në fjalën e e tij në mbledhjen e Këshillit mbikqyres. Ai nënvizoi se inflacioni në vend shënoi një vlerë mesatare prej 1.3% gjatë muajve korrik e gusht, duke shënuar rënie krahasuar me tremujorin e dytë. Kjo rënie konsiderohet se ka pasqyruar normat më të ulëta të inflacionit të artikujve ushqimorë dhe të disa kategorive të shërbimeve. Këshilli mbikqyrës miratoi rregulloren “Mbi organizimin dhe funksionimin e Komitetit për Fondin e Ndërhyrjes së Jashtëzakonshme”, ku përcajktohet përjashtimi nga mbajtja e të gjitha komisioneve për të gjitha llogaritë e hapura në sistemet e pagesave të Bankës së Shqipërisë, për administrimin e Fondit të Ndërhyrjes së Jashtëzakonshme.