Mediat greke kanë komentuar gjatë vizitës së presidentit turk Erdogan në Shqipëri dhe marrëveshjet e nënshkruara me kryeministrin Edi Rama, duke u ndalur gjatë tek kërkesën për luftë ndajgylenistëve. Gazeta Protothema në artikullin e titulluar “Çfarë bëri Erdogani në Shqipëri”, u vë theksin lavdërimeve të kryeministrit shqiptar ndaj Erdoganit, duke veçuar shprehjen “Nuk ka shumë njerëz si ai në politikën ndërkombëtare. Ai bën atë që thotë dhe thotë atë që bën”. Madje duke krahasuar me periudhën e Perandorisë Osmane, Protothema karakaterizon Edi Ramën si një pasha lokal dhe Erdoganin si një sulltan të plotfuqishëm. Artikulli gjithashtu vë në dukje se vitet e fundit, Turqia ka përdorur sistematikisht ekonominë, fenë, kulturën, bamirësinë dhe ndihmën humanitare për të zgjeruar ndikimin e saj në vende të tjera, veçanërisht në Shqipëri, ku investimet turke vlerësohen në rreth 3.5 miliardë dollar dhe ka rreth 600 kompani turke që operojnë në vend.