Një cift bashkëshortësh ka përfunduar në pranga pasi në banesën e tyre në Vorë, kultivonin bimë narkotike. Sipas një njoftimi të policisë, Klejdian dhe Anita Zeqo në bashkëpunim me njeri-tjetrin, kishin përshtatur shtëpinë e tyre për kultivimin e bimëve narkotike. Gjatë kontrollit në banesë janë gjetur dhe janë sekuestruar në cilësinë e provës 3.6 kg kanabis, 9 fidanë kanabis të kultivuar, pajisje që kanë shërbyer për kultivimin e bimëve narkotike si dhe fara kanabisi. Operacioni i koduar me emrin Vila, sipas policisë, u bë i mundur pas disa informacioneve të siguruara nga qytetarët dhe pas një pune intensive hetimore që ka nisur disa javë më parë. Tani cifti Zeqo akuzohet për veprat penale “Prodhimi dhe shitja e narkotikëve” dhe “Kultivimi i bimëve narkotike”, kryer në bashkëpunim. Gjithcka është tani në dorën e prokurorisë e cila edhe do të kompletojë dosjen hetimore që do të përcillet në gjykatë.