Vdekja e mistershme e ministrit të jashtëm bjellorus Vladimir Makei, dyshohet se erdhi si pasojë e një helmimi në ushqim. Makei ndërroi jetë pak ditë më parë në rrethana të pararta, ndërsa kishe planifikuar një takim me homologun e tij rus Sergeri Lavror. Këtë të martë, ai u përcoll në banesën e fundit, ku të pranishëm në ceremoninë e varrimit ishte presidenti bjellorus Aleksandër Lukashenko si dhe zyrtarë të shumtë rusë. Pasi dyshohet se Makei ndërroi jetë nga helmimi, presidenti i Bjellorusisë, I druhet një atentati të mundsëhm ndaj tij, për këtë arsye ai ka shkarkuar nga detyra stafin e sigurisë por edhe kuzhinierët. Vdekja e dyshimtë e ministrit të jashtëm, dyshohet se është një paralajmërim për presidentin bjellorus se mund të jetë ai i radhës, nëse nuk i bindet Moskës. Ndarja nga jeta e Makei ka ngritur spekulime të shumta mes tensioneve të shkaktuara nga refuzimi i Lukashenkos për të mbështetur luftën e Putinit.