Vrasja që ndodhi mbrëmjen e se martes në qytetin e Rrëshenit nuk ka akoma një autor edhe pse policia ka shoqëruar dhe marrë në pyetje një numër të madh personash që mund të kishin ndonjë dijeni mbi këtë vrasje. Sipas burimeve autori apo autorët e kane ruajtur shtetasin që mbeti viktimë, Anton Kelin, sapo ka zbritur nga automjeti duke e qëlluar 6 herë me pistoletë, ku tre nga plumbat i ka marrë në trup, duke i shkaktuar keshtu vdekjen. Mësohet se Keli jetonte vetëm me nënën në Rrëshen, ndërsa të gjithë familjarët e tjerë ishin në Gjermani. Ai punonte si taksi dhe u qëllua me breshëri brenda mjetit që përdorte edhe për punë. Sipas burimeve, vrasja e 51-vjeçarit Anton Keli, kushëriri i Armando Gjinit dhe Preng Gjinit, vijon sagën e vjetër të hakmarrjes në Mirditë. Në 4 vitet e fundit nga përplasja mes dy fiseve Gjini dhe Reçi janë ekzekutuar disa persona në Belgjikë, Romë dhe Shqipëri. Sajmir Jaku, Gasper Reçi, Kreshnik Gjini, Tonin Gjini dhe Kastriot Reçi janë viktimat e hakmarrjes së egër mes dy fiseve.