Gjatë seancës së kësaj të enjte në në GJKKO bashkëpunëtori i drejtesisë Nuredin Dumani, për dosjen “Plumbi i artë”, i është përgjigjur pyetjeve të avokatëve të të pandehurve, duke zbuluar më shumë detaje. Teksa Nuredin Dumani rrëfeu njohjen me Henrik Hoxhajn nëpërmjet Festim Qolit, shprehet se u gëzua kur mori vesh për vrasjen e komisarit Dritan Lamaj. Dumani: “Për vrasjen e Elvis Dedës, Festim Qoli ka qenë në kërkim. Në takimin mes meje me Henrik Hoxhajt në Tiranë, kemi folur për atentatin që do ndodhte. Herën e dytë që u takuam unë dhe Festimi erdhëm në Tiranë në Bllok aty ku jetonte Henriku. Shkuam tek një dyqan pas Tajvanit ku shiteshin telefona të inkriptuar. I dhashë 5 mijë euro Henrikut për telefonin. Më tha se do të më jepte 95 mijë euro për vrasjen e Dorian Shkozës në Durrës. Personi tjetër ishte Eljo Bitri. E kisha vënë në dijeni Henrikun. Eljos i premtova 35 mijë euro. Të përfshirë në këtë vrasje ishin unë, Klevis Alla dhe Asllan Plaku.”