Detaje të reja kanë dalë në dritë gjatë emisionit “Shqipëria Live” lidhur me vrasjen në Astir, që tronditi opinionin publik në ditën e fundit të 2020-tës. Në fotot e siguruara nga emisioni “Shqipëria Live” shihet Përparim Ademi në festa familjare me dy motrat që vrau, Kristina Bardhin e Zhaneta Metanin, djalin e Zhanetës dhe bashkëshorten e tij, Vjollca Telën. Ata shfaqen të lumtur dhe të qeshur, ndërsa në njërën prej fotove dy gratë, Vjollca dhe Kristina shihen që janë kapur dorë për dore. Më herët, gruaja e Përparimit e kishte pohuar për mediat se ata kishin hyrje e dalje familjare, madje i konsideronte si motra dy gratë që mbetën viktimë. Episodi I rëndë ka tërhequr edhe vëmendjen e mediave greke, të cilat I kushtuan një artikull historisë së Përparim Ademit dhe dy motrave që humbën jetën nga dora e tij. Sipas ERT, Ademi ka kryer një sërë krimesh të rënda në Greqi pasi vrasjë në Shqipëri ekspozoi tregtinë e foshnjave në Selanik, ndërsa për rastin në fjalë flitet se janë shitur rreth 10 foshnje.