Qeveria holandeze e drejtuar nga Mark Rutte ka dhënë dorëheqjen pasi mijëra familje u akuzuan gabimisht se kanë marrë fonde sociale për fëmijët dhe iu kërkua ti kthenin pas ato. Familjet u përballën me një padrejtësi të madhe – thanë deputetet holandezë, me zyrtarët e taksave, politikanët, gjykatësit dhe shërbyesit civilë që i lanë të pambrojtur. Shumë prej familjeve ishin emigrantë dhe qindra u zhytëbn në vështirësi financiare. Kryeministri Rutte ia ka dorëzuar dorëheqjen mbretit. Vendimi i dorëheqjes u mor në një mbledhje të qeverisë në hagë dhe vjen në një moment të rëndësishëm në pandeminë e koronavirusit. Holanda ka hyrë në izolim dhe ministrat kanë shqyrtuar mundësinë e masave më të ashpra për të ndaluar përhapjen e infektimit. Qeveria e tij pritet të qëndrojë në detyrë deri në zgjedhjet parlamentare në mars. Një burim nga kabineti tha se vendimi për të dhënë dorëheqjen ishte kolektiv dhe ishte marrë me mirëkuptim mes ministrave. Kjo nuk është hera e parë që një qeveri holandeze jep dorëheqjen në masë si xhest i përgjegjësisë kolektive. Në 2002, kabineti u dorëhoq pas një raporti në të cilin kritikoheshin ministrat dhe ushtria se dështuan të pëngojnë masakrën e myslimanëve në srebrenicë gjatë luftës në bosnje, shtatë vite më parë.