Një i ri 27-vjeçar nga fshati Kishaj i Bashkisë së Hasit u gjet i pajetë në malin e Pashtrikut, ndërsa babai i tij është në gjendje të rënduar shëndetësore dhe psikologjike. Policia njofton se 27 vjeçari i identifikuar me emrin Ajet Lleshi kishte dalë për gjueti ditën e diel, por për shkak të motit të keq ishte bllokuar në mal. Rreth mesnatës, ai ka telefonuar familjarët e tij për të kërkuar ndihmë. Pas telefonatës, në drejtim të zonës ku kishte mbetur i bllokuar 27 vjeçari është nisur babai i tij.