Ministri i Jashtëm danez qortoi administratën Trump për "tonin" e saj në kritikimin e Danimarkës dhe Grenlandës, duke thënë se vendi i tij tashmë po investon më shumë në sigurinë e Arktikut dhe se mbetet i hapur për më shumë bashkëpunim me SHBA. Ministri i Jashtëm Lars Løkke Rasmussen i bëri komentet në një video të postuar në mediat sociale pas vizitës së Zëvendës Presidentit të SHBA JD Vance në ishullin strategjik. Më vonë, megjithatë, presidenti amerikan Donald Trump mbajti një ton agresiv, duke i thënë NBC Neës se ai nuk e përjashton opsionin e forcës ushtarake nga tavolina kur flitet për marrjen e kontrollit të Grenlandës. "Shumë akuza janë bërë. Dhe sigurisht që ne jemi të hapur ndaj kritikave," tha Rasmussen. "Por më lejoni të jem plotësisht i sinqertë: ne nuk e vlerësojmë tonin me të cilin po flitet. Nuk i flitet kështu aleatëve të ngushtë. Dhe unë ende i konsideroj Danimarkën dhe Shtetet e Bashkuara të amerikës si aleatë të ngushtë", tha ai. Grenlanda është një territor i Danimarkës, i cili është një aleat i NATO-s i Shteteve të Bashkuara. Trump dëshiron të aneksojë territorin, duke pretenduar se është i nevojshëm për qëllime të sigurisë kombëtare. Në intervistën e së shtunës, Trump tha se mendonte se ka një mundësi të mirë që SHBA ta marrë grenlandën pa forcë ushtarake. “Kjo është paqja botërore, kjo është siguria ndërkombëtare”, tha ai, por shtoi: “Unë nuk heq asgjë nga tavolina”.