India druan se një mega-digë gjigande, që po ndërtohet në kinë, mund të përdoret si një armë hidrologjike. Partia komuniste kineze ka njoftuar ndërtimin e digës më të madhe në botë mbi lumin Yarlung Tsangpo, që përshkon kinën dhe indinë. Kina shpreson që diga do të zgjidhë problemin e saj me energjinë e gjelbër dhe do ta ndihmojë të arrijë objektivin e bërjes neutrale ndaj karbonit deri në 2060-ën. Por ndërkohë, India është e tmerruar nga ideja se kina mund të ndërtojë një digë, që do të mbajë pas saj një sasi të stërmadhe uji, dhe se mund të kërcënojë ta clirojë atë në një moment të caktuar duke shkatërruar komunitetet indiane. Për ekspertët, frika e indisë është reale dhe e ka bazën në përleshjet e kohëve të fundit mes indisë dhe kinës. Lumi Yarlung TYsangpo, është lumi i madh më i lartë në tokë dhe ai rrjedh në një gjatësi prej thuajse 3 mijë kolimetrash përmes kinës, indisë dhe bangladeshit. Diga e planifikuar do të përfitojë nga një degëzim i madh, që është në fakt një kthesë 180 gradëshe që bie menjëherë mbi një pllajë rreth 600 metra më poshtë. Diga do të bënte që të prodhohej tre herë më shumë energji krahasuar me digën më të madhe ekzistuese, atë të Tre Grykave, mbi lumin Yangtze. Sidoqoftë, zyrtarët në indi, që kanë qenë në thelb në luftë me kinën për kufirin e tyre tokësor të polemizuar, që nga vitet 1960, janë të shqetësuar se diga mund të përdoret për dicka shumë më ekstreme, e që do të rrisë akoma më shumë tensionet nëse projekti bën përpara.