Një 27-vjeçar, banues në Kurbin është ndaluar nga Specialistët e Seksionit për Hetimin e Krimeve të Komisariatit të Policisë Kurbin, pasi ka ushtruar dhunë ndaj bashkëjetueses së tij. Gjithashtu është bërë i mundur kapja e një 19-vjeçari i cili ishte shpallur në kërkim, pasi në në muajin gusht të 2022 Gjykata e Lezhës e ka dënuar me 1 muaj burgim, për veprën penale "Vjedhja". Policia ka goditur dhe një tjetër rast të prerjes së paligjshme të pyjeve, ku kanë sekuestruar 15 m3 dru pa dokumentacion. Specialistët e Seksionit për Hetimin e Krimeve të Komisariatit të Policisë Mirditë, kanë arrestuar në flagrancë shtetasin me inicialet A. B., 54-vjeç, banues në Mirditë. Ai është kapur në aksin rrugor "Rrëshen-Rrubik", duke transportuar me kamion 15 m3 dru zjarri pa dokumentacionin përkatës.