Banka e Shqipërisë ka filluar zyrtarisht procedurat për zgjedhjen e guvernatorit të ri, pasi vetëm pak ditë kanë mbetur nga përfundimi i mandatit të Guvernatorit aktual Gent Sejko. Këshilli Mbikëqyrës i Bankës së Shqipërisë ka depozituar më 23 dhjetor në Kuvendin e Shqipërisë propozimin për rizgjedhjen e Gent Sejkos si anëtar i Këshillit. Kuvendi pritet ta votojë propozimin e Këshillit Mbikëqyrës në seancën plenare të datës 3 shkurt. Propozimi për një mandat të dytë si anëtar i Këshillit Mbikëqyrës nënkupton se Gent Sejko do të kandidojë edhe për një mandat të dytë si Guvernator i Bankës së Shqipërisë. Ligji “Për Bankën e Shqipërisë” parashikon që Guvernatori zgjidhet nga Kuvendi me propozimin e Presidentit të Republikës.