Higjena e duarve është një mënyrë e rëndësishme për të parandaluar përhapjen e covid 19 dhe kur nuk ka në dispozicion ujë dhe sapun, dezinfektuesit me bazë alkooli janë mënyra më e mirë për ta siguruar atë. Dezinfektuesit zënë vend tani në dyqane, shkolla, vende pune, në transportin publik etj, për ti mundësuar njerëzve të dezinfektojnë duart. Sidoqoftë një pasojë, e dokumentuar në francë, është lëndime kimike tek fëmijët, që aksidentalisht prekin sytë me duart me dezinfektues. Ka patur disa raste, të fëmijëve që kanë dëmtuar sytë me dezinfektues mes 1 prillit dhe 24 gushtit 2020. Në këtë periudhë 16 fëmijë janë shtruar në një spital pediatrik në paris për shkak se kishin prekur sytë me dezinfektues dhe dy prej rasteve ishin të rënda e madje pati nevojë edhe për një operacion kirurgjikal. Rastet e përfunduara në spital kishin të bënin të gjitha me fëmijë nën moshën 4 vjec. Një studim i ngjashëm është publikuar edhe në indi, ku detajohet rasti i dy fëmijëve që aksidentalisht e kishin spërkatur sytë me dezinfektues, me pasoja serioze. Si pasojë, mjekët rekomandojnë që është më mirë të promovohet larja e duarve me ujë dhe sapun në vend të përdorimit të dezinfektuesve dhe mësimi e trajnimi i fëmijëve si ta përdorin këtë të fundit.