Detaje të reja tronditëse janë zbuluar nga autoritetet greke, lidhur me vrasjen e 9 vjecares Georgina, e cila u dyshua se u helmua nga nëna e saj Roula Pispirgou. Bashkëshorti i autores së dyshuar të krimit, është shprehur I shokuar për grupin hetimor, ndërsa shtoi se sipas tij Roula ka qenë një mama shembullore. Mirëpo, kjo deklaratë e Manos Daskalakis, ka shtyrë grupin hetimor të hetojë një tjetër pistë, pasi ky i fundit po ashtu dyshohet se ka gisht në këtë krim. Vec 9 vjecares Geogrina, 2 vajzat e tjera të ciftit po ashtu kanë vdekur disa vite më parë, ku referuar mediave greke, ato janë vrarë po nga nëna e tyre Roula. I pyetur për vdekjen e dy vajzave të tjera, Manos tha se është në pritje të hetimeve të organeve të drejtësisë. Nga ana tjetër, avokati mbrotjës i Manos tha se nga informacionet e deri tanishme rezulton se Georgina ndërroi jetë për shkak të marrjes së ketaminës. Ai shtoi se klienti i tij, pra Mano i qëndron akuzës se bashkëshortja e tij ka kryer një vepër penale. Roula Pispirgou u transferua në paraburgimin e Koridhalos të martën, pasi gjykata dhe prokuroria vendosi paraburgim për 33-vjeçaren, pasi akuzohet për vrasjen e të bijës 9-vjeçare Georgina, si dhe të dy vajzave të tjera.