Arlen Hasanaj u arrestua mbrëmjen e së martës nga policia e Durrësit si autor I dyshuar për vënien e tritolit në banesën e kreut të federadës shqiptare të futbollit Armand Duka. 34 vjecari ka dhënë dëshminë e tij përpara policisë në lidhje me dyshimet e ngritura, ndërsa mësohet se ky I fundit nuk e ka pranuar autorësinë e krimit. Para grupit të hetuesve ai është shprehur se nuk ka asnjë lidhje me ngjarjen që ka ndodhur në shtëpinë e Dukës, por nuk ka dhënë detaje të tjera në lidhje me akuzat e tij. Referuar informacioneve policore, Hasanaj nuk rezulton të jetë me prescenden të mëparshëm penal. Për më tepër, policia u shpreh se ai u dorëzua lehtësisht dhe nuk I bëri rezistencë efektivëve në momentin e shoqërimit. Arrestimi I tij u bë brenda 24 orëve, ndërsa Hansaj u filmua nga kamerat e sigurisë deri në momentin që ai iu afrua banesës së tij në zonën numër 4 të qytetit bregdetar. Hasanaj ka në pronësi një biznes bar kafe dhe një market.