Kryetarja e Kuvendit, Lindita Nikolla, priti delegacionin e Parlamentit Evropian, të kryesuar nga Isabel Santos, Raportuese për Shqipërinë. Kryetarja Nikolla falenderoi zonjën Santos për punën e saj dhe pasqyrimin në Parlamentin Evropian të arritjeve transformuese, demokratizuese dhe integruese të Shqipërisë dhe veçanërisht për kontributin në vendimin e Parlamentit Evropian për hapjen e Negociatave dhe mbajtjen e Konferencës së Parë Ndërqeveritare me Shqipërinë. “Ne kemi punuar fort ta arrijmë këtë, por Ju, znj. Santos, keni punuar shumë për të mbështetur në Parlamentin Evropian arritjet tona ndaj Ju jemi shumë mirënjohës. Megjithë vonesat në jemi të angazhuar për të avancuar me agjendën evropiane dhe Integrimi Evropian mbetet prioriteti ynë kryesor”, tha Nikolla.