Kryeprokurori Olsian Çela deklaroi të enjten se shumë shtete nuk i përgjigjen kërkesave të bëra nga drejtësia shqiptare për çështjen e dekriminalizimit. Sipas Ccelës, kjo vjen për shkak se këto shtete nuk e njohin si process, ndërkohë që ai shtoi se janë vetëm 2 shtete që I kanë kthyer përgjigje kërkesës së informacionit për kandidatët në zgjedhjet lokale. “Për sektorin e verifikimit të dekriminalizimit kemi forcuar kapacitetet, janë 2 prokurorë që merren dhe 2 oficerë të policisë gjyqësore, kemi vështirësi tek përgjigjet që marrim jashtë vendit, pjesa me e madhe e vendeve nuk na përgjigjen sepse nuk e njohin si proces. Vetëm dy vende na përgjigjen. Verifikimet që ne kryejmë janë të paplota ndaj ka dhe zvarritje. Pjesë më e madhe e shteteve nuk ofrojnë ndihmë juridike sa i përket çështjeve të dekriminalizimnit. Ne duam të zgjidhim një çështje shqiptare si çështje ndërkombëtare".