Akuzave drejtuar SPAK se ky I fundit duke I shkuar pas avazit dëshirave të Ilir Metës mori nën hetim ish-kreun e Këshillit të Lartë të Drejtësisë, Ardian Dvorani, u është përgjigjur edhe kryetarja e LSI, Monika Kryemadhi. Sipas numrit një të Lëvizjes Socialiste për Integrim, Dvorani ka një histori të fshehur. Ajo akuzon Ramën për prishje të një aksioni kundër ish-kreut të KLD. SINK “Dvorani ka një histori të fshehur, Rama me urdhër të tij dëmtoi një aksion që kapte në flagrancë dhe shumë të tjerë në një aferë korruptive dhe ai e di shumë mirë që kjo gjë sado të tentojë Rama nuk prishet, Rama kërcënon SPAK duke ngritur akuza të drejtpërdrejta ndaj SPAK, por duhet të heqë drejtorët e Bashkive të Tiranës që të mos rrinë poshtë shtëpive të prokurorëve të SPAK, të depolitizojë Policinë e Shtetit, se ajo që po ndodh sot me të rinjtë është e tmerrshme, Rama duhet të kuptojë që nuk duhet të kërcënojë shqiptarët sa herë i vjen litari në fyt”.