Këshilli i Europës ka shpërndarë sot një deklaratë ku i kërkon qeverisë shqiptare të tregojnë përmbajtje ne përdorimin e forcës gjatë demonstratave që zhvillohen në vend, duke shtuar kerkesen per zhvillimin e hetimeve të pavarura për të gjitha pretendimet e përdorimit të forcës. Deklarata është bërë nga Komisioneri i Këshillit të Evropës për të Drejtat e Njeriut, Dunja Mijatoviç, e cila është publikuar edhe në faqen zyrtare të Këshillit të Europës. Mijatoviç ka shprehur shqetësimin për përshkallëzimin e përplasjet midis policisë dhe protestuesve pas vrasjes fatale të një të riu nga policia. "Përdorimi joproporcional i forcës është raportuar gjithashtu në lidhje me demonstratat e tjera që u zhvilluan në Shqipëri në fillim të këtij viti", citohet ne deklarate. "Përgjigja ndaj pandemisë COVID-19 nuk u jep autoriteteve te drejten për të përdorur forcë kur ka grumbullime", tha Komisioneri. Në këtë kontekst, ajo vë në dukje përdorimin e topave të ujit, llak piper dhe mjete të tjera të fuqishme që kanë çuar në plagosjen e disa protestuesve dhe ndalime në shkallë të gjerë, përfshirë fëmijët. Mijatoviç, ndër të tjera thekson se autoritetet duhet në çdo kohë të demonstrojnë tolerancë zero ndaj zyrtarëve të zbatimit të ligjit të përfshirë në përdorimin e tepruar të forcës, të cilët duhet të identifikohen, të sillen para drejtësisë dhe të sanksionohen në përputhje me praktikën gjyqësore përkatëse të Gjykatës Evropiane të të Drejtave të Njeriut dhe Udhëzimet për Çrrënjosjen e Mosndëshkimi për shkeljet serioze të të drejtave të njeriut miratuar nga Komiteti i Ministrave i Këshillit të Evropës në 2011.