Një qytetar nga Ferizaj u bë viktima e 12-të e koronavirusit në Kosovë. Klinika Infektive e Qendrës Klinike Universitare të Kosovës njofton se 70 vjeçari ndërroi jetë pas disa ditësh trajtimi. Edhe ai duket vuante dhe nga sëmundje të tjera ekzistuese. Në bazë të të dhënave të fundit, në Kosovë janë gjithsej 449 raste të të infektuarve me koronavirus e 79 të shëruar. Së fundi, nga Covid 19 në vend rezulton të jenë prekur edhe tre gjinekologë dhe një mami që punojnë në QKUK. Edhe më herët ka pasur raportime për disa mjekësh dhe infermierësh të prekur nga sëmundja teksa ishin në krye të detyrës.